Moskvada konsert zalına silahlı hücuma görə daha üç nəfər həbs olunub. Həmin hücum nəticəsində "ölü sayı 139 nəfərə yüksəlib, yaralıların sayı 180-i ötüb". Ölənlərdən azı 3-ü uşaqdır, Rusiya rəsmiləri bildirir.
Bu gün "AbzasMedia işi"nə görə barəsində həbs qətimkan tədbiri seçilmiş jurnalist Nərgiz Absalamovanın ev dustaqlığı ilə bağlı vəsatəti qəbul olunmayıb.
Kanal 13 internet televiziyasının rəhbəri Əziz Orucov, eləcə də kanalın aparıcısı Rüfət Muradlıdan sonra onların daha bir həmkarı Şamo Eminov həbs edilib. Bununla Azərbaycanda noyabrdan bəri müxtəlif tənqidi medialarda çalışan azı altı jurnalist qaçaqmalçılıq ittihamı ilə həbs olunub.